|
El "Budhanaj
Fabloj"
Paro da kolomboj kune konstruis sian varman neston. Fine
venis aŭtuno. Ili alportis kaj ekamasigis bongustajn nuksojn en la nesto.
Post kelkaj tagoj, la virkolombo pririgardis la nuktojn en la nesto kaj tute
surpriziĝis. Ĉar duoniĝis la volumeno de la nuksoj. La virkolombo kun akra
rigardo diris al la kolombino:
"Kia perfidulo! Kiel vi do povus
ŝtelmanĝi?"
La kolombino diris kun mieno ĉagrenita pro falsa akuzo:
"Mi
neniom manĝis. Kun la tempo nature sekiĝas nukso. Tial ja ili duone
malgrandiĝis."
La kolombino pene apologiis, sed la virkolombo ne kredis
tion.
"Se vi ne manĝis, kiel ili malmultiĝis?"
La kolerega virkolombo fine
bekmortigis la kolombinon. Pasis pluraj tagoj kaj pluvegis en la arbaro. Tial la
nuktoj amasigitaj en la nesto ŝvelis de la pluvakvo kaj plenigis la neston kiel
antaŭe. Nur tiam la virkolombo kun pento kriis.
"Ho, ve! kien vi
foriris!"
* * *
Pripensu nur unu minuton plu antaŭ via ago. La
unuminuta pripensado ŝanĝas vian sorton.
Tradukis CHOE
Taesok
|
